انا اعتقد ان الولاد معندهمش ثقه فى بعض
وده لان الولد بيلف ويدور بره كتير واول مايفكر يحب بجد بيبتدى يعلن عن الحب ويكمله بخطوبه وجواز
اما لو جت اخته تقوله انها بتحب هو بيعتبر الشاب الى هيا بتحبه ده بيلعب بيها لانه مجاش من الباب وطبعا مش هقول
انه عنده حق او انه غلط بس هقول انه موقف بيكون صعب منه خوف على اخته ومنه عدم ثقه فى الى بتتكلم هيا عنه
واساسا البنت من البدايه بتخاف تتكلم عشان رد فعل الاهل وهو ده سبب من اسباب انها ممكن تقع فى غلط لان ممكن
فعلا يكون الانسان مش كويس وخوفها يوديها ورا الشمس
انا مش بطلب ان محدش يخاف على اخته بس احب اقول انه ياريت لحظه ثقه فى الله اولا ثم فى البنت واديها مساحه
للكلام معاك وحريه التعبير عن كونها انسانه لها مساحه فى حريه اختيار انسان مناسب ليها
بس برده مايمنع كلامى ان الاولاد فى احيان كتير فيهم استبداد واضح يعنى اختلاف شخصيات باختلاف مواقف
معلش بقا طولت عليكم بس هحاول اسكت عشان موضوع اكبر من كلمات بسيطه ممكن نعبر بيها