أوراق

فتحت أنا يوم صندوقى بعد ما اتغير المكان
حبيت ألملم أوراقى وأشوف ضيعت ايه زمان

طلعتلى ورقه بتقولى بلاش تعيش تانى فى الأوهام
دور على الىّ ليه معنى فى عالم الظلم والطغيان

بلاش تبص كتير بعيون النظره فيها على طول خير
ادخل وشوف فى نفوس الناس هتلاقى فيها كتير تغير
كان فيه زمان حب واخلاص دلوقتى باعوا حتى الضمير

وأهى ورقه تانيه كمان نادت بتقولى لف وبص وشوف
اياك فى يوم لوحدك ناداك تجرى عليه زى الملهوف

ده مهما تديله من خيرك راح ينكر وينسى أوام
بص يا صحبى بعين العقل ده العالم مالهوش أمان

والتالته جايه أوام تجرى بتقولى اقرانى وفكر
[b]الناس دى عايشه فى بحر كبير والملح فيه عمال يكتر
لازم تفوق لتغرق فيه وبلاش تعيش دور السكر

[b]والرابعه جايه وراها أوام بتقولى اقرانى وركز
هتعيش فى عالم مــ الأوهام لازم تعيش لازم تنجز
بص لحياتك عيش اليوم لتبقى لبه بتتآزأز

والخامسه بتقولى نصيحه بتقولى اقفل صفحاتك
وسيب حاجات عايش فيها وعيش بقا لمره حياتك
الغى بقا صدق واخلاص والحب شيله من حساباتك

أنا قولت أقفل صندوقى وأقول لأوراقى لا فوقى
بكره هتتعدل أحوال وبكره مــ الشهد تدوقى

لاقيته مش راضى يقفل وأوراقه عماله تطير
وسآلت نفسى ساعتها سؤال وجوابه ان الامر خطير
أمر النفوس وقلوب الناس فى وقت غاب فيه الضمير

وفضلت ألملم أوراقى وألم ورقه ورا التانيه
وكل ورقه فيها كلام بيقول معانى عن الدنيا
ومش هقول غير بس سلام دى الدنيا ديه ياناس فانيه

ومهما كانت من أحلام...أحلام كتيره ماتتصدق
ورغم ان العمر قصير مسيرها يوم راح تتحقق

وألاقى يوم أوراقى تطير
فرحانه أوى بقدوم الخير
وأشوف ساعتها الضحكه ترن
فى قلوبنا زى قلوب الغير

[/b][/b]

[b][b][b][/b][/b][/b]